Beni bennius a sa Homepage de Marco Solinas
In custas pàginas podeis agatai informatzionis apitzu de su Curriculum Vitae miu,
e apitzu de s'atividadi mia de imparadura (in Italianu sceti) e de circa issientífiga.
Sa boxi "Imparadura" de su menú laterali si mandat a is pàginas de su cursu de AWICE, chi ndi podeis scarrigai
su materiali de imparadura po preparai s'esami.
Sa boxi "Circa" de su própiu menú batit a sa setzioni "Circa", e dhu'est descrita sa faina mia de istúdiu
me in is architeturas de is sistemas CMP; dhu'at peri unu acàpiu a is pàginas de sa "Anagrafe della Ricerca"
de s'Universidadi de Pisa, aundi ndi podeis consultai sa listra de is publicatzionis issientífigas mias.
Bona consultatzioni!
Unu paghiteddu de cosas asuba de mei
Marco est nàsciu in Casteddu (CA), capitali de s'ispantosa ísola de Sardigna, in su 1979.
Abbitat su Liceu Issientífigu "Leonardo Da Vinci" in Lanusé (OG) fintzas a su 1998,
annu chi, pigau su diploma de maturidadi issientìfiga, s'iscrít a su
Cursu de Làurea in Inginneria Informàtica
de sa Facultadi de Inginneria
de s'Universidadi de Pisa. Arricit sa Làurea in Inginneria Informàtica in su mesi 'e
Tréulas de su 2005, e su Dotorau de Circa in Inginneria de s'Informatzioni
in su mesi 'e Mayu de su 2009.
In su mesi'e Abrili de su 2009 e 2010, bincit una Borsa de Istùdiu e unu Assignu in su Dipartimentu de Inginneria de s'Informatzioni,
e agiudat a is atividadis de istùdiu e circa de su grupu CARGO, cordinau de s'Ing. Pierfrancesco
Foglia.
Is interessus de circa suus funti me in is architeturas de memórias cache (ligi: KESH) non cumbenialis po sistemas
cun medas processoris in d-unu síngulu chip.
Sbóddiat peri atividadi de imparadura po su cursu de Architeturas WEB e Infrastruturas po su Comérciu Eletrónigu,
de su Cursu de Làurea Specialístiga in Inginneria Informàtiga.
